Реклама

.

Кыргызстанда ЕАЭБге мүчө өлкөлөрдүн импорттоочулары үчүн салыктык каттоо жөнүндө маалымкаттын колдонуу мөөнөтү узартылды

05.10.2018

Кыргызстанда импорттоочуларга маалымкаттарды берүүнү тартипке келтирүү жана салык төлөөчүлөргө ыңгайлуу шарттарды түзүү максатында ЕАЭБге мүчө өлкөлөрдөн импорттоо максатында салыктык каттоо жөнүндө маалымкаттын колдонуу мөөнөтү узартылды.

Кыргыз Республикасынын Өкмөтүнүн токтомунун негизинде киргизилген оңдоолорго ылайык, салыктык каттоонун бар экендиги жөнүндө маалымкат МСКнын ири салык төлөөчүлөрдү контролдоо боюнча башкармалыгында КНС төлөөчү катары катталган субъектилер үчүн алынган күндөн тартып 180 календардык күнгө, калган субъектилер үчүн 60 календардык күнгө жарактуу.

Ошентип, импорттоочулар салык органдарынан КНС төлөөчүлөр үчүн алты айга, калган импорттоочулар үчүн 2 айга чейин жарактуу маалымкатты бир жолу алып, ЕАЭБге мүчө өлкөлөрдөн товар ташый алышат.

Жогорудагы оңдоолор киргизилгенге чейин, маалымкаттын жарактуулук мөөнөтү берилген күндөн тартып 30 күн болгон.

Эскерте кетсек, импорттоочулар салыктык каттоо жөнүндө маалымкатты тийиштүү аймактык салык органынан ала алышат. Мында, салык органы бир жумушчу күндүн ичинде арызды карап, маалымкатты берүү же баш тартуу себебин көрсөтүү менен берүүдөн баш тартуу жөнүндө чечимин чыгарат. Баш тартууга субъектинин мурдагы отчеттук мезгилдер үчүн салык отчетун бербегендиги негиз болот.

МСКнын басма сөз кызматы

Все новости